Jatorrizko izenburua: 1917
Zuzendaria: Sam Mendes
Gidoilaria: Sam Mendes, Krysty Wilson-Cairns
Aktoreak: George MacKay, Dean-Charles Chapman, Mark Strong …
Herrialdea: Erresuma Batua
Iraupena: 119 minutu
Ekoizpen-urtea: 2019
Aste honetan, Erresuma Batuan jaio zen Sam Mendesen azken pelikula nahi dizuet gomendatu, zein eta “1917” (2019) izeneko filma. Aurretik doala lan on baten aurrean gaudela. Hau honela, ez dut ulertzen zein ekarpen egiten duen zorioneko plano sekuentzia bakarra. Hasteko gezurra da, ez baita denbora errealean gertatzen den istorio bat, eta, jarraitzeko, ikuslea istorian gehiago sar dadin ez dut uste plano bakar baten beharrik dagoenik. Dena dela, ez dira gutxi zinta honek dituen indarguneak, hala nola, ikuslea zinema-aretoko besaulkian iltzaturik uzteko gaitasuna, tentsioari eusteko ahalmena, plano luze eta konplexuak koreografiatzeko duen erraztasuna…
Gerra handian girotuta dagoen zinta entretenigarri honetan bi soldadu britaniar gaztek pairatuko dituzten zorigaitzak kontotuko dizkigu Mendesek maisutasun handiz. Zinez aldrebesa den egokitu zaien misioan arerioaren lurraldea zeharkatu beharko dute hil edo biziko garrantzia duen mezu bat entregatzeko.
Pelikula honen erantzule nagusia Sam Mendes dugu. Reading hiriko zinemagileak 8 film zuzendu ditu egun arte. Pelikula hauetan guztietan zenbait lan aipagarri daudela esan beharra dago, hala nola, “American Beauty” (1999) edota “Road to Perdition” (2002).
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
