Jatorrizko izenburua: Parasite
Zuzendaria: Bong Joon-ho
Gidoilaria: Bong Joon-ho, Jin Won Han
Aktoreak: Song Kang-ho, Lee Seong-gyun, Jang Hye-jin…
Herrialdea: Hego Korea
Iraupena: 132 minutu
Ekoizpen-urtea: 2019
Aste honetan, Hego Korean jaio zen Bong Joon-ho zuzendariaren azken pelikula nahi dizuet gomendatu, “Parasite” (2019) izenekoa alegia. Oso proposamen interesgarri baten aurrean gaude, zeren eta, zeharo desberdina den kontatzeko era maneiatzen baitu zinemagile korearrak. Ikusleari zaila egiten zaio gertatuko denari igertzea, ditugun konbentzionalismoetatik oso urrun baitago kontatzeko modu hau. Eszenaratzea originala da guztiz eta, bestalde, kontakizuna bera ezhoiko suertatzen zaio bertako ikusleari. Gehitu honi gainera, guretzako zeharo ezezagunak diren antzezleak ditugula pantaila erraldoian. Honela, esperientzia berri bezain bizigarri batez gozatuko du zine-aretoetara hurbilduko den edonork.
Langabezian dagoen familia baten seme-alabarik nagusiena klase partikularrak ematen hasiko da beste familia baten etxean. Era honetan bi familien arteko harremana hasiko da, ondorio zinez harrigarriak izango dituena.
Lan honen atzean Bong Joon-ho zinemagile korearra dago. Pelikula honekin sari andana lortu ditu, denboraldi honen garaile argia dugu, duda barik. Oscar sarietan, hain zuzen ere, ezusteko ederra eman du pelikula honekin, munta handiko lau sari eskuratu ditu eta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
