Tenet

Erabiltzailearen aurpegia

Jatorrizko izenburua: Tenet

Zuzendaria: Christopher Nolan

Gidoilaria: Christopher Nolan

Aktoreak: John David Washington, Robert Pattinson, Elizabeth Debicki ...

Herrialdea: Erresuma Batua

Iraupena: 150 minutu

Ekoizpen-urtea: 2020

Aste honetan, Christopher Nolan Erresuma Batuko zuzendariaren azken pelikula nahi dizuet gomendatu, zein eta “Tenet” (2020) famatua. Zuzendari britainiarraren lanak ez dira errazak izaten eta, noski, hau ere ez da salbuespena. Jarraitzeko batere erraza ez den trama honek, ordea, ikuslerai sari handi bat ematen dio: pantaila erraldoian gorpuzten diren irudi zoragarriak, alegia. Izan ere, zinta hau bisulaki akasgabea da eta. Hori bai, zenbait kontu ulertzeko goi mailako zientzialaria izan behar da, alafede!

Munduaren akabera saihestu behar du film honen protagonistak. Helburu hori lortzeko, guztiz ezezaguna den teknologia erabiliko du gainera. Hori dela eta, misioa burutzen duen bitartean, ikastaldi gaitz bati ekingo dio. 

Londresen munduratu zen zinemagile honen lanek beti interesa handia pizten dute. izan ere, oso filmografia interesgarria du. Bereak dira, besteak beste, Memento” (2000), “El Caballero Oscuro” (2008) edota “Origen” (2010).

Pelikula honetan, baina, gehien harritu nauena, lanaren konplexutasuna edo irudien ikusgarritasuna aparte utzita, Robert Pattinsonen antzezpena izan da. Aldez aurretik ez nuen ikusten Nolanen lan batean, baina zinez konbentzitu nauela aitortu behar dut. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide