His Girl Friday (Luna Nueva)

Erabiltzailearen aurpegia

Jatorrizko izenburua: His Girl Friday

Zuzendaria: Howard Hakws

Gidoilaria: Charles Lederer   

Aktoreak: Cary Grant, Rosalind Russell, Ralph Bellamy...

Herrialdea: AEB

Iraupena: 92 munutu

Ekoizpen-urtea: 1940 

Gaur egun karteldegian dugun egoera kontuan izanda, non hainbat estrenaldi atzeratzen ari diren eta, orokorrean, ikusteko grina piz dezaketen pelikulak ikusgai ez dauden, abagune ezinhobea dugu klasikoak bisitatzeko. Hau dela eta, aste honetan His Girl Friday” (1940) Howard Hawks zuzendari handiak burutu zuen komedia aparta nahi dizuet gomendatu. Lan honek osagai guztiak ditu bikaina izateko: erritmo frenetikoa, elkarrizketa bikainak, interpretaziorako bidea ematen duten egoerak… ikuslea bere jezarlekuan iltzaturik geratuko da ordu eta erdi batean oso tarte atsegina pasatuz.

 

Duen kazetaririk onenak egunkaria utzi behar duela esango diote berripaper baten editoreari. Editoreaz gain, kazetariaren senar ohia ere izaki, ezagutzen dituen amarru guztiak erabiliko ditu hala gerta ez dadin.

 

Esan bezala, pelikula honen zuzendaria Howard Hawks handia dugu. Indianan jaiotako zuzendari amerikarrak lan asko eta kalitate handikoak ditu, genero desberdinetan gainera, hala nola, komedia, western edota zine beltzean.

 

Bukatzeko, gogoratu garai hartan zinema-estudioek botere handia zutela eta, eskuarki, aktoreak kontratupean hartzen zutela. Pelikula honetan aritzen diren aktore nagusiak izen eta ospe handikoak izan ziren, nortzuk eta Cary Grant eta Rosalind Russell. Bata eta bestea ezin hobeto aritzen dira haien neurrira eginda dauden pertsonaiak gorpuzten.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide