Zuzendaria: Jon Garaño, Aitor Arregi, José Mari Goenaga
Gidoilaria: Luiso Berdejo, José Mari Goenaga
Aktoreak: Antonio de la Torre, Belén Cuesta, Vicente Vergara...
Herrialdea: Espainia
Iraupena: 147 minutu
Ekoizpen-urtea: 2019
Aste honetan, arrazoi desberdinak direla bide, oso berezia den pelikula bat nahi dizuet gomendatu, zein eta “La Trinchera Infinita” (2019) izenekoa. Izan ere, ez baita oso ohikoa film batek hiru zuzendari edukitzea, ez eta Oscar sarietan lehiatzeko aukeratua izatea ere. Horrez gain, oso era erakargarrian errodatuta dago, eszenaratzeak istorioan sartu egiten gaitu, pertsonaia nagusiak bizi izandakoa ulertzen laguntzen gaitu eta. Gainera, kontatzen duenak oso indar izugarria du, historia hau ezagutzeko baino ez bada ere, merezi du lan hau ikustea.
Gerra zibilak hainbat pertsonen bizitza irauliko du, istorio honen protagonistarena kasu. Jaso ditzakeen errepresalien beldur bere etxean dagoen zulo bat baliatuko du 30 urtez izkutaturik egoteko.
Esan bezala hiru dira zinta interesgarri honen zuzendariak; Jon Garaño, Aitor Arregi eta José Mari Goenaga. Hirurok ibilbidea partekatu dute hainbat lanetan elkarrekin lan eginez, ez beti hirurak batera ordea. Honela, haien izenak oso estimagarriak diren lanen atzean daude, hala nola, “Loreak” (2014) edo “Handia” (2017).
Bukatzeko, aktoreen lana nabarmendu behar da. Bai Antonio de la Torrek, bai Belén Cuestak doitasun eta egiatasunez beteriko karakterizazioak burutzen dituzte.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
