Aste honetan Chloé Zhao Txinako zinemagileraen azken lana nahi dizuet gomendatu. Zuzendari gazte honek bere ibilbide profesional laburra AEBn burutu egin du, gehienbat, eta nahiko harrigarria iruditzen zait zein ederto barneratu dituen hango bizimoduaren nolakotasunak. Izan ere, datu hau ezagutu gabe, zinez zaila dela pelikula hau zuzendu duen pertsona bertako ez dela susmatzea.
Oso film interesgarri baten aurrean gaude, egitura berezia duena; zeren eta genero nahaste interesgarri honen eszenaratzea bikaina baita.
Aktore profesional eta amateurrak nahasten ditu, pelikularen indargune bat dena nire ustez. Izan ere, izugarrizko sinesgarritasuna ematen baitio pantaila erraldoian ikusten dugunari.
Dena galdu ostean, emakume batek nomada bailitzan bizitzeari ekingo dio. Dokumental faltsu honek bere gorabeheren berri emango digu.
Zinta interesgarri honen atzean, Chloé Zhao dugu. Nire uste apalean maisutasun handia erakusten du horren eskarmentu laburra duen zuzendari txinatarrak. Ez ahaztu gainera, zinta honi esker izendapen eta sari andana ari dela lortzen zinemagile gazte hau.
Amaitzeko, Frances McDormand Chicagon munduratu zen aktore handiaren lan bikaina nabarmendu nahi nuke.