Aste honetan, era adimentsuan gai interesgarriak jorratzen dituen palikula bat nahi dizuet gomendatu, zein eta “Falling” (2020) izenekoa. Viggo Mortensen aktore amerikarraren aurreneko lana zuzendari gisa dugu hau. Errenazimentuko artista dirudi Mortensen-ek. Artearen disziplina desberdin asko jorratzen ditu eta denak ondo gainera. Oraingo honetan, esan bezala, kamereran atzealdean estreinatu egin da New York-eko zinemagilea, emaitza bikaina eskuratuz nire ustetan. Oso ondo kontatuta dagoen istorioa helarazten digu, non elementu guztiak egon behar duten lekuan kokatzen diren une oro. Ikusleak ez du inolako arazorik kontakizuna ulertzeko, nahiz eta era lineal batean kontatuta ez dagoen. Mortensen pertsona argia da eta ikuslea izaki adimentsu gisa tratatzen du, eskertzekoa dena.
Gaixo dagoen adineko gizon tradizional bat eta bere seme homosexualaren arteko harreman zailen disekzio doia da lan hau.
Gorago aipatu den bezala, kamera gidatzen estreinako aldia du Mortensen-ek. Asko du oraindik ikasteko, duda barik, baina ez du maila eskasa eman, ez horixe!
Amaitzeko, aktoreen lana goraipatu nahiko nuke. Oraingo honetan, Lance Henriksen antzezlearen jarduna goraipatzea dagokigu. Esku artean jarri dioten oparia ederto batean aprobetxatu du, duda barik.