Fitxa teknikoa:
Jatorrizko izenburua: The Witch
Zuzendaria: Robert Eggers
Gidoilaria: Robert Eggers
Aktoreak: Anya Taylor-Joy, Ralph Ineson, Kate Dickie...
Herrialdea: AEB
Iraupena: 92 munutu
Ekoizpen-urtea: 2015
Berriki Robert Eggers zinemagile amerikarraren “The Lighthouse” (2019) izeneko lana gomendatu nizuen. Hango hartan, beldurrezko pelikulak bereziki gustuko ez ditudala aitortu nuen. Bada, berriro ere genero horretako zinta batekin natorkizue, zein eta Eggers-en estreinako filmearekin: “The Witch” (2015) deiturikoa.
Kristau familia bat zokoratua izango da. Gauza sano arraroak gertatzen diren baso baten ondoko etxe batean geldituko dira. Bizi duten giro nahasiak eragin oso mingarriak izango du eurengan.
Pelikula honen erantzule nagusiaren inguruan duela gutxi mintzatu nintzen. Ibilbide laburra badu ere, oso ezaugarri markatuak ditu Strafford konderrian munduratu zen zinemagilearen zinea egiteko moduak. Izan ere, orain arteko bere bi filmak garaiko beldurrezko pelikulak ditugu, bietan mimo handiz zaindu du muntaia, indar handiko pertsonaiak izan dira istorioen protagonistak eta zuzendariak ederto asmatu du aktoreen aldetik karakterizazio bikainak ateratzen. Lan biekin, gainera, eskuratu izan ditu premio desberdinetarako izendapen zein sariak.
Amaitzeko, Anya Taylor-Joy emakumezko aktore gaztearen jardun bikaina nabarmendu nahiko nuke. Izan ere, antzezle amerikarrak txapela kentzeko moduko lana burutzen baitu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
