Aktoreak: Blanca Portillo, Luis Tosar, Urko Olazabal...
Herrialdea: Espainia
Iraupena: 115 munutu
Ekoizpen-urtea: 2021
Aste honetan, Icíar Bollaín Madrilgo zinemagilearen azken lana nahi dizuet gomedatu, zein eta “Maixabel” (2021) deiturikoa alegia. Era egokian errodatu eta kontatuta dagoen film baten aurrean gaude. Narrazioa era ulerkorrean heltzen zaio ikusleari. Hain da hau honela ezen esan baitaiteke zinta honen indargunerik argiena, aktoreen lan txukuna alde batera utzita, zuzendariaren lanketa dela. Duda barik, zuzendari madrildarrak asmatu egin du proiektuari eman dion tratamenduarekin, erraza ez zena. Izan ere, eskuartean ibili duen materialak erraietako sentimenduak pizten ditu eta.
Gorago aipatu den bezala, pelikula honek duen beste indargune bat antzezle nagusien lana dugu. Hala Blanca Portillok, nola Luis Tosarrek txapela kentzeko moduko jarduna burutzen dute. Gainera, biek ala biek prestaketa prozesu sakon bezain profesionala zertu dute, pantailan gorpuzten dituzten pertsonekin hainbatetan bilduta ere bai.
Icíar Bollaínen ibilbide profesionala nahiko luzea da dagoeneko eta, besteak beste, “Te doy mis ojos” (2003) edo “También la lluvia” (2010) bezalako lan interesgarriak topa ditzakegu bere katalogoan, gutxi ez dena. Madrildarraren zineak beti erakutsi izan du gizarte-kutsu handia.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
