Gidoilaria: Akira Kurosawa, Yuri Nagibin. Liburua: Vladimir Arsenev.
Aktoreak: Maksim Munzuk, Yuriy Solomin, Svetlana Danilchenko...
Herrialdea: Sobietar Errepublika Sozialisten Batasuna
Iraupena: 141 munutu
Ekoizpen-urtea: 1975
Aste honetan, Tokion jaiotako Akira Kurosawa zinemagilearen “Dersu Uzala” (1975) film zoragarria nahi dizuet gomendatu, klasiko bat alegia. Beste era bat du maisu handiak istorioak kontatzeko: bere denbora hartzen du, ikusleak uler dezan beharrezkoak diren baliabideak baizik ez ditu erabiltzen, hitzei baino irudiei ematen die garrantzi handiagoa, plano orokorrak erabiltzen ditu gehienbat…
Pelikula honetan adiskidetasun eder baten kontaketa zoragarria burutzen du zuzendari japoniarrak, baita oso bestelakoak diren kultura zein bizimoduen arteko talkarena ere. Pertsonaiak ederto moldatzen dira haien berezko ingurunean, baina hortik kanpo daudenean, laguntza behar dute, hiltzeko arrisku bizian daudelako bestela. Bestalde, gizakiok naturari aurre egiteko ditugun baliabide eraginkorrenak zein diren ere esaten digu pelikula zoragarri honek: umiltasuna eta adimena, hain zuzen ere.
Maisu japoniarrak zenbait artelan ditu burutuak, hala nola, “Rashomon” (1950), “Los Siete Samurais” (1954), “Yojimbo” (1961), “Barbarroja” (1965) edota “Ran” (1985). Aipaturiko harribitxi hauez gain, Akira Kurosawak beste pelikula interesgarri asko ere baditu. Bere filmografia arretaz aztertzeko modukoa da, duda barik.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
