Aste honetan, Paris hirian jaio zen Florian Zeller dramagilearen estraineko pelikula nahi dizuet gomendatu, zein eta “The Father” (2020) izenekoa alegia. Berak idatzitako lan batean oinarritzen den zinta honetan, buruko gaixotasun baten azalpen argi bezain eraginkorra burutzen du zuzendari esteinatu berriak. Honetarako, ederto batean erabiltzen ditu, printzipioz, berarentzako arrotzak diren zenbait teknika, hala nola, muntaia edota kameraren kokapen adierazgarria.
Gero eta larriago dagoen adineko gizon batek bakarrik bizi nahi du. Ez hori bakarrik, alabak eskeintzen dizkion laguntzarako aukera guztiak zapuzten ere ahalegintzen da. Alabak bereziki sufritzen du, zeren eta aita gero eta okerrago ikusteaz gainera, bere bizitza nahi duen moduan bizitzeko nola eragozpen handiak dituela ere egiaztatzen baitu.
Esan bezala, Florian Zeller jauna dramagile bat da eta bere lana pantailaratzeko ardura bere gain hartu du. hauxe bere lehenengo lana da eta ezin hobeta hasi da, zenen eta izendapen zein sari dezente lortu baititu. Gizonezko aktore onena eta egokitutako gidoi onena premiatzen dituzten Oscar sariak irabazi ditu, besteak beste.
Ezin gomendio hau amaitu, Anthony Hopkins handiak buruturiko karakterizazio zoragarria goraipatu gabe. Gorago aipatu dudan moduan, lan honi esker bere bigarren Oscar saria irabazi egin du.