Fitxa teknikoa:
Jatorrizko izenburua: The Power of the Dog
Zuzendaria: Jane Campion
Gidoilaria: Jane Campion (Eleberria: Thomas Savage)
Aktoreak: Benedict Cumberbatch, Kristen Dunst, Kodi Smit-McPhee...
Herrialdea: Australia
Iraupena: 128 munutu
Ekoizpen-urtea: 2021
Aste honetan, Zeelanda Berriko hiriburua den Wellingtonen jaiotako Jane Campion zinemagilearen azken pelikula nahi dizuet gomendatu, zein eta “The Power of the Dog” (2021) izenekoa alegia. Film honetan, ezohiko western baten itxurapean, Campionek gizontasunaren inguruko azterketa sakona planteatzen du. Pertsonaien aurkezpena izugarri gustatu zait, oso atal landua da, zintaren indarguneetako bat duda barik. Oso pertsonaia konplexuak ditugu pantaila erraldoian, ederto batean antzeztuak gainera.
Gorago aipatu dugun bezala, maskulinitate desberdinak aztertzen ditu zuzendariak lan baliotsu honetan. Ez da, ordea, gai hau jorratzen duen lehenengo aldia. Izan ere, “The Piano” (1993) pelikula estimagarrian, beste modu batean izan bazen ere, honen inguruan mintzatu zen zeelandaberritarra. Film honek 12 izendapen jaso izan ditu Oscar sarietan, bakar bat irabazi duen arren, zuzendari onenarena hain zuzen ere.
Lan honetan beste sendotasun bat antzezleen jarduna da, duda barik. Benedict Cumberbatch aktore britainiarrak ñabardurez jositako karakterizazioa borobiltzen du, Kristen Dunst estatubatuarra ez da atzean gelditzen eta Kodi Smit-McPhee australiarrak lan ederra burutzen du. Denek txapela kentzeko moduko antzezpenak burutzen dituzte, inolako ezbairik gabe.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
