Aste honetan, dagoeneko karteldegian ez dagoen pelikula bat nahi dizuet gomendatu, zein eta “Poor Things” (2023) izenekoa, alegia. Proposamen ausarta eta koherentea da. Iazko sari banaketa garrantzitsuetan hainbat premio eskuratutakoa da, gainera, hala nola, 4 Oscar, 2 urrezko globo, Veneziako mostrako sari nagusia…
Film honetan, Yorgos Lanthimos zuzendariak, bere kasuan ohikoa den bezala, hainbat elementu filmiko erabilpen originala egiten du, argia, kolorea, erabiltzen dituen lente bereziak (arrain-begia, esaterako) edota pantailan agertzen diren lekuen girotze desberdina, kasu. Nire ustez, honekin guztiarekin, zuzendariak protagonistaren aparteko mundua eta ohiko munduaren bere ikuskera adierazi nahi du, errealitaterekiko koska argi erakutsiz.
Yorgos Lanthimos nahiko ezaguna den zuzendaria da; izan ere, zinta desberdinak ekoizten baititu. Gainera, begibistakoa denez, zinea egiteko oso modu pertsonala du, nortasun berezia ematen diona. Bere lanen artean, “Canino” (2009) edo “La Favorita” (2018) lan errespatutak topa ditzakegu, besteak beste.
Atenas hirian jaio zen artistak une desberdinetan antzezle fetitxeak izan ditu: Colin Farrell eta Emma Stone adibide argiak dira. Azken honekin era estuan ari da kolabaratzen oraintsu. Gomendatzen ari naizen pelikula honetan lan ikaragarria egiten du, marra oso estu baten gainean mugitzen den pertsonaia oso berezia trebetasun handiz gorpuzten.