Aste honetan, horren banatuta, gehiegi nire uste apalean, egon diren Goya sarietan hiru premio irabazi dituen pelikula bat nahi dizuet gomendatu, zein eta “Segundo Premio” (2024) izenekoa alegia.
Jasotako sarien artean zuzendari onenari dagokiona dugu, garrantzi handikoa dena. Lan honen atzean bi zuzendari daude: Isaki Lacuesta eta Pol Rodríguez zuzendari kataluniarrak, biek ala biek lanari potentzia bisual oso handia ematen diote. Kontzeptu konplexu asko daude irudien bidez adierazten dituztenak. Ez da erraza izan behar zinta honetan kontatzen diren egoerak irudien bidez kontatzea eta haiek lortzen dute. Film honetan gizatalde baten maila desberdinetan ematen den prozesu autosuntzitzaile baten kontaketa egiten da. Une askotan zuzendariek transmititu nahi dituzten kontzeptuak ez dira batere errazak zinearen hizkuntzan ikusleari helaraztea eta haiek oso ondo egiten dute. Haien proposamenak ikusleari ahalegin bat egitea eskatzen dio, baina horrek ez du pelikularen ulermena galarazten, ezta hurrik eman ere! Eta horren meritua zuzendariena da, duda barik. Pol Rodríguezen ibilbidea ez da oso oparoa izan orain arte, zeren eta pelikula hau kendua pare bat film labur eta telesail bat baino ez du burutua. Isaki Lacuestaren kasua, ordea desberdina da. Zuzendari bezala eskarmentu handiagoa du.
Amaitzeko aktoreen lana goraipatu nahiko nuke. Izan ere, pelikula honetan entzuten diren kantu guztiak haiek zuzenean interpretatzen dituzte, nabarmentzeko modukoa dena.