Aste honetan, Oscar sarietan lehiatu duen beste pelikula bat nahi dizuet gomendatu, zein eta “Conclave” (2024) izenekoa, alegia. Edward Berger Wolfsburg herrian jaio zen zuzendariaren lan berria da. Aurreko filmarekin ere Oscar sarietako lehiara iritsi zen eta, seguruenik, jende askotxo gogoratuko da zintarekin: “Sin Novedad en el Frente” (2022) pelikulaz ari gara eta. Ibilbide profesional sendoa eraikitzen ari den zuzendari estimagarri bati buruz ari gara, dagoeneko hasiberri bat ez dena gainera.
Gomendatzen ari naizen obran, garrantzi handia du autoreak ekoizpenaren inguruko xehetasunik ñimiñoenak zein oinarri duen eleberria bera erreproduzitzeko erabili duen leialtasunak.
Trama eraikitzeko Edward Bergerrek egitura klasikoa erabili du. Duela urte batzuk, estrategia honek agian uzta oparoa emango zion sari zein zinemaldi desberdinetan. Ezin da esan hala izan ez denik, baina horrenbesteko munta duten Oscar sarietako galtzaileetako bat izan zela esan daiteke, zeren eta eskuratzeko aukera zituen izendapen guztietatik, zortzi orotara, bakarra lortu baitzuen. Egia da, irabazitako premioa handia dela, egokitutako gidoi onenarena izan baitzen, baina hainbeste aukera dituzunean, bakarra irabaztea ezin da esan arrakasta handia lortu egin duzunik.