Irailaren 10ean, larunbata, Urduñan jaialdi multikulturala ospatu genuen, Bolivia, Nikaragua, Ekuador, Kolonbia, Paraguai, Uruguai, Venezuela, Honduras, Mexiko, Sahara, Aljeria, Maroko, Peru, Senegal, Guatemala eta Nigeriako lagunen partaidetzarekin.
Jaiaren helburua zen gure kulturak kalera ateratzea, herri bakoitzaren idiosinkrasia hobeto ezagutu eta ulertzea. Antolakuntza apur bat azkarra izan eta ezin izan genuen nahi adina prestatu. Hala ere, dantzek, zozketak -asko eta asko babestu zutenei-, musikak eta, batez ere, sukaldaritza eskaintzak, guztiz doakoak, Urduñako jende asko erakarri zuten. Gastronomia bereziki, Foru plazan ahalegin berezia egin baikenuen.
Gure balorazioa ezin positiboagoa da, parte-hartzea erabatekoa izan baitzen, espero ez genuena inondik inora. Izan ere, barkamena eskatu nahi diegu mariatxien kontzertura hurbildu ziren eta berbena luzatzea espero zuten pertsona ugariei, baina udal Kultura Sailak eskatuta, jaia gaueko 11ak arte mugatu genuen, gure jarduerek Antiguako Jaiekin bat ez egiteko.
Hala eta guztiz ere, errepikatzeko gogoa dugu eta Gabonetan zerbait egin ahal izatea espero dugu, familia osoarentzako jardueraren bat. Bitartean, hutsetik abiatu garenez, beste talde bat bezala eratuko gara legez: Urduñako Elkarte Multikulturala. Momentuz, zorionak guztion artean egin dugun lan bikainagatik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
