Nintendo switch

Erabiltzailearen aurpegia

Datorren urteko martxoan aterako omen du Nintendo etxeak kontsola berria. Sare sozialetan bolo-bolo diotenez, duela lau urte atera zuten mahai gaineko Wii U kontsola “hilda” omen dago dagoeneko eta konpainiak irabaziak izaten jarraitu nahi badu, zerbait berria eskaini beharra omen dauka.

Oraindik ere emankorrak izaten ari diren 3DS (2011ean argitaratua) eta 2DSari (2013an argitaratua) etekina ateratzen ari da azken aldian Pokemon Sun eta Moon bezalako jokoen bitartez, baina olatua apaltzen ari da nonbait.

Apustu berri horrek Switch izena du eta mahai gaineko kontsola eta kontsola eramangarri baten hibridoa izango da. Hau da, eramangarria izango den oinarrizko zati bat izango du, non “gadget” edo gailuak konektatu ahal izango zaizkion. Gailu horiek aginteak edota mahai gaineko oinarri bezala erabiltzeko konektorea izan daitezke.

Horrek askatasuna emango dio jokalariari kontsolaz egongelako telebista panoramiko eta sofaren goxotasunean edota edozein kale bazterretan gozatu ahal izateko.

Ikusteke geldituko zaigu zein beste gailu ezberdin eta berri konektatu ahal izango zaizkion kontsola honi. Nintendo ezagututa ziur zerbait berria aterako duela!

Bitartean, promozioko bideo bat eta konferentzia bateko argibide batzuk besterik ez dakizkigu. Pixkanaka argitzen ari da hainbeste aipatua izan den Nintendoren etorkizun handiko NX kontsola hori zertan gauzatuko den.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide