Indie joko honetan mutil gazte baten paperean sartzen gara. Mutil hau burmuin-kontrolaren laborategi batean dago eta bere eginbeharra isilpean aurrera egitea da. Nork daki zein helbururekin, handik ihes egin, hala ezagunen bat erreskatatu.
Abenturan aurrera egin ahal izateko, hainbat puzzleri aurre egin beharko die, bertako segurtasun-sistemak nola edo hala ekidin, eta beste hainbat arriskuri aurre egin. Kasu batzuetan, guk ere kontrolatu beharko ditugu pertsona batzuen garunak, hauek guri laguntzeko.
Puzzleak ebazteko burua erabili beharko dugu, baina inoiz ez gara frustrazio-puntu batera iritsiko. Batzuk errazak dira eta beste batzuk konplexuagoak, baina jokoa oso erraza egiten da.
Grafikoen aldetik, garatzaile hauek aurretik garatutako Limbo jokoaren eragina oso nabaria da jokoan. Limbon dena txuri-beltzean zen, oraingoan berriz koloretan. Nahiz eta bi jokoak 2Dkoak izan, atzeko planoetako elementuek ere garrantzi handia dute Inside-n.
Jokoaren atmosfera nahiko beldurgarria da. Argi gutxi dauden lekuak, ur azpian gauza arraroak... Laburbilduz, latza!
Soinu-banda berriz, ba ez daukala esan genezake. Momentu batzuetan musikatxo bat dago, baina oso segundo gutxikoa, orokorrean puzzle bat osatu ondoren, edo aurrera jarraitzean adibidez. Horrek ere izu-sentsazioa emango digu.
Jokoa ez da beldurrezkoa, inola ere ez. Atmosfera pixka bat beldurgarria da, baina mandoa edo teklatua ez askatzeko gogo gehiago ematen dizkigu.