Lehen euskal Minecraft zerbitzaria eraikitzen ari gara. Jokoa bera ia euskaratuta dago, baina zerbitzari euskaldunik ez dago. Hau da, euskaraz eta euskaratik zerbitzari berean jolastuko duen Minecraft komunitatea garatu nahi dugu. Falta hori zegoela sumatu genuen Game Erauntsiako kideok eta proiektuari ekin genion. Momentu honetan hainbat kide gaude lanean baina zerrenda irekia da, edozein laguntza ondo dator.
Erronka zerbitzaria mantentzeko urte beteko finantziazioa lortzea da eta horretarako 200€ko crowdfunding bat martxan daukagu Karenan. Lehenengo egunean 50€ko diru bilketa lortu dugu! Zerbitzarian parte hartu eta jolasteko bi ekarpen jarri ditugu 5€ eta 10€koak eta abantaila ezberdinak eskeintzen dituzte. Ikusten duzuenez oso merkea da!! Minecraft gustoko baduzu ezin duzu aukera hau galdu!! Jolastu gurekin! Behean ikus dezakezu eraikitzen ari garen hiriburuen mapa.
Bestelako ekarpenen bat edo iradokizunen bat egin nahi baduzu, jarri gurekin harremanetan kontaktu formulariotik, @gamerauntsia twitter edo Gamerauntsia facebook kontuaren bidez. Proiektu honentzat bereziko prestatutako foro atal bat ere badaukagu eztabaidarako.
Horrez gain Minecraft jokoa bera euskaratzen lagundu nahi baduzu hemen duzu aukera. Itzulpenen %71an dago. Animo!