Proiektu berri bat jarri du martxan Laudioko Nomeolvides elkarteak baliabide ekonomikorik gabeko herritarrei laguntzeari begira. Pertsona horiei kafe edo pintxo batera gonbidatzean dantza, funtsean, ekimena.
Edozein herritarrek hartu dezake parte egitasmoan. Horretarako honakoa egin behar da: taberna edo kafetegi batean kafe edo pintxo bat aurretik ordainduta utzi. Tabernariak pintxo edo kafe hori ordainduta dagoela apuntatuko du horretarako egokitutako arbela batean. Modu horretan, baliabiderik gabeko herritarrak gerturatu eta "zintzilik" dauden pintxo edo kafe horiek hartu ahal izango diztute doan.
Hiru tabernetan jarri dute martxan, momentuz
Elkarteko kideek adierazi dute herriko hiru tabernetan dagoela ekimen horretan parte hartzeko aukera: Arkupen, Indriskan eta Kukullun (Eroski alboko taberna). Hiru establezimendu horiek aukeratu dituzte euren inguruko kaleetan delako ohikoa balibide ekonomikorik gabeko pertsonak ikustea.
Hala ere, Nomeolvides-eko kideek azpimarratu dute edozein tabernak hartu dezakeela parte proiektuan. "Doakoa da, elkartasun apur bat baino ez da behar", adierazi dute.
Jostailu bilketa
Kafe eta pintxoena ez da izango elkartetik martxan jarriko dute ekimen bakarra. Jostailu bilketa egiteari ere ekin diote. Hiru modu daude jostailuak entregatzeko: 622 668 337 telefonora deituta, abnomeolvides@gmail.com helbidera mezu bat bidalita edota elkarteak Arza poligonoan duen biltegira gerturatuta. Nomeolvides-eko kideek azpimarratu dute jostailuak "egoera onean" egon behar dutela.
Elkartea bera da bildutakoaren banaketaz arduratuko dena. Datu base bat baliatuko dute horretarako, baliabide ekonomikorik gabeko 350 familia ingururen datuekin osatutakoa.