Udal gobernu taldeak tasen eta zergen proposamena egin ostean, hainbat ekarpen aurkeztu ditu EAJk.
Herentziak
Lehenik eta behin, herentziek hobaria izatea nahi dute jeltzaleek, baldin eta heredatutako etxebizitzan bizi badira.
Kasu horietarako hurrengo baldintzak jarri nahi dituzte:
*Lehen mailako senideak, adoptatzaileak, adoptatuak, edota bikotekidea izatea.
*Lortutako ondasuna euren ohiko etxebizitza izatea.
Aldi berean, euren diru sarrerak hurrengo ataletan egon beharko dira, edo ondorengoak (beti ere helduak direnean), eta unitate familiarraren, bikotearen edo ekintzazko bikotekidearen eta adin gutxiko seme-alaben irabazi garbiak (umezurtz pentsioa) hurrengoko tarteren batean aurkitzen baldin badira:
%100 hobaria 20.000,00 € arte
%95 hobaria 27.200,00 € arte
%75 hobaria 37.200,00 € arte
Hobariak ezingo dira metatu.
Aretako, Gardeako eta Latiorroko frontoiak
Jeltzaleek uste dute herriko frontoien alokairuan (Aretan, Gardean eta Latiorron) % 90ko beherapena egin behar zaiela 60 urte gorako laudioarrei ohitura osasuntsuak sustatzeko.
Baratz ekologikoak
Ortu ekologikoen kasuan, EAJk hurrengo irizpidea proposatu du:
-
Norbanakoen ortuak hilabetean: 21,00 euro.
-
Ortu bikoitzak/familia/kolektiboak, hiruhilabetean: 39, 00 €.
Ikastaroak
Alderdiak iradoki du ofizioz % 10eko beherapena egitea 2 urtez erroldatuta egon diren laudioarrei. Horrez gain, lagun horiek 65 urte edo gehiago izanez gero, % 20ko murrizketa gehituko zaio.
Enpresen hazitegia
Hurrengo salneurriak egokitzat jo du EAJk enpresen hazitegiko alokairuei dagokienez:
Lehen urtea: 9,00 €/m2/hileko.
Bigarren urtea: 12, 00 €/m2/hileko.