Altzarrate taldeak argazki lehiaketa herrikoia antolatu du. Ekimenari "Peña Altzarrate CD Laudio argazki lehiaketa" izena jarri diote, eta edonork hartu lezake parte, epaimahaiak izan ezik. Prentsa oharrean azaldu dutenez, gaia librea izango da, baina irudiek Laudiorekin zerikusia izan beharko dute. Lanak concursofotografico2016@gmail.com helbide elektronikora bidali beharko dira JPG formatuan. Whatsapp bidez ere parte hartu ahalko da, argazkiak 607442057 zenbakira bidalita. Partaideek izen-abizenak, telefonoa eta argazkiaren izenburua zehaztu beharko dute mezuan. Ezaugarriei dagokienez, ezingo dira izan beste lehiaketaren batean sarituak izan diren argazkiak erabili. Ildo beretik, lanak orijinalak izan beharko dira eta aurkezteko epea urriaren 31n bukatuko da.
350€ saritan
Hiru sari egongo dira. Lanik onenaren egileak 225€ jasoko ditu, eta bigarrenak 125€. Hirugarrenari, berriz, bi lagunentzako afaria emango diote. Hala ere, partaide guztien artean opari ezberdinak zozketatuko diutztela aurreratu dute. Aurkeztutako irudi guztiekin erakusketa bat egingo dute, espazio publikoetan edota babesleen guneetan ikusgai egongo dena.