Gaur estreinatuko du ETB2k “Paperezko ahotsak”; Esti Urresola laudioararren dokumentala. 22:30ean izango da hitzordua eta Jose Antonio Agirre Lehendakariari buruz ekoiztutako filmen zikloaren barruaren eskainiko dute.
Horrez gain, dokumentalak asteburuan proiektatuko dituzte Parisen, Berlinen, New Yorken eta Gernikan.
Paperezko ahotsak
Telebistan estreinatuko badute ere, Donostiako Zinemaldian egin zuten emanaldia irailean. Berria egunkariak horrela aurkeztu du zinemagilearen lana:
“Erbestealdiaren Parisko partea Eresoinka abesbatzaren jaiotzarekin lotu du Estibaliz Urresolak. 1936ko gerra piztu ostean, euskal kulturaren defentsan sutsu aritu zen Agirre lehendakaria. «Pertsonaian sakontzen hasi nintzenean, euskal kulturarekin eta artearekin izan zuen garrantziaz konturatu nintzen», dio Urresolak. Frantzian eta Iparraldean sakabanatuta zeuden euskal errefuxiatuak Saran (Lapurdi) bildu ziren, eta Eresoinka abesbatza sortu zuten. Tartean ziren txistulariak eta dantzariak ere. Ikuskizun handi bat sortu, eta Parisko antzoki garrantzitsuak bete zituen Eresoinkak. Europako antzoki onenetako batzuetara eraman zuten euskal kultura Eresoinkako gizon eta emakumeek. Ahanzturan gelditua zen historia hori biltzen du lanak, eta tartean da abesbatzako kide baten lekukotza”.