Galtzagorri Kultur Taldeak 30 urte bete ditu aurten, hori dela eta herria jai giroaz bustiko du urriaren 1ean goizean goizetik.
Galtzagorri Kultur Taldea Laudion sortu zen 1986an herriko jai eta kultura bultzatu nahian. Urte askotan zehar Ihauterietako mozorro desfilea antolatu du, Leziagako sorgina ikur izan duelarik. Horretaz gain, egun jai egunetan buruhandi eta txotxongiloak ateratzeaz arduratzen da.
Egitarau oparoa prestatu dute adin guztietako jendeak parte har dezan. Goizean umeei zuzendutako tailerrak egongo dira Aldaiko Plazan 11:00etatik aurrera. Jai giroan murgiltzeko baina, 12:00etan helduko da suziria jaurtitzearekin batera. Ostean kalejira abiatuko da herriko plazatik buruhandien eta trikitilarien eskutik.
Iluntze partean, Sakatu elektrotxarangak bi ordu iraungo duen kalejira animatua egingo du herriko kaleetan zehar. 21:30etan indarrak berreskuratzeko ahal izateko bokata eta pintxo-jana eskainiko da elizako arkupeetan. Urteurrenaren ospakizuna 22:00etan amaituko da, txalapartaz lagundutako su artifizialekin.