Gaur (irailak 17) amaituko da Laudioko Kultur Etxeko ikastaro eta tailerretan izena emateko epea. Kultur Etxean bertan eman behar da izena. 600 plaza daude guztira, hainbat tailer eta ikastarotan banatuta. Ikastaroren batek gehienezko izen-emate kopurua gaindituko balu zozketa egingo litzateke astelehenean (irailak 19). Guztira 600 pertsonentzako tokia egongo da, tailer guztiak kontatuta.
Mota askotako ikastaroak
Iazko tailer eskaintza bera egongo da aurten, baina hainbat aldaketekin. Alde batetik, errestaurazio tailerra bertan behera geratu da. Bestetik, egongo dira aurten estreinako aldiz eskainiko diren ikastaro batzuk: “scrapbookin” tailerra (liburuak paper zatiekin pertsonalizatzean datzan teknika”, kartoi tailerra eta argazkilaritza digitalarena (azken hori ume zein helduentzat). Berria izango da baita “sormenezko idazketa”-rena, iaz eskaini baitzen lehenbiziko aldiz.
Larra bustingintza ere martxan
Aipatutako tailerrez gain, Larra Bustigintza taldeak eskaintzen duen zeramika tailerra ere egongo da. Asteazkenero egingo dute, 18:00etatik 20:00etara, taldeak Kultur Etxean duen tailerrean. Bertan eman daiteke izena.
[video:https://vimeo.com/148508309 align:center]