Irailaren 16tik 22ra Europako mugikortasun astea ospatuko da Laudion. Aurreko edizioetan bezala, herria mugikortasun jasangarriarekiko sentikor bihurtzea da helburua, auto pribatuen gehiegizko erabilera saihestu eta oinez, bizikletaz edo garraio publikoaz mugitzea.
Mugikortasun jasangarriaren aldeko martxa
Ekimen aipagarrienetarikoa, irailaren 18an ospatuko den mugikortasun jasangarriaren aldeko martxa izango da.
Aurtengoa bigarren edizioa izango da eta Udalak Latiorroko Jai Batzordea, Laudioar Txirrindulari Elkartea eta Laudioko Aldaiko Irristaketa Taldearekin batera antolatu du, hainbat enpresaren laguntzaz.
Martxa mugikortasunaren alde egiteko modu ludikoa eta kirolarekin lotutakoa. Adin guztiei zuzendutako ekimena da, baina batez ere gazte eta haurrengan eragiteko asmoz antolatzen dute.
Bi martxa aukeran
Izena emateko aukera martxa egunean bertan egongo da 10:30etatik aurrera, Aldai Plazan. 11:15etan bi martxa hasiko dira: Lehenengoa 7 kilometrokoa izango da, patinatzaile aditu eta txirrindulari guztientzat izango da. Bigarren martxa, patinatzaile hasiberriei eta oinez egin nahi duten pertsonei zuzendutakoa da eta 5 kilometrokoa izango da.
Latiorron amaiera
Martxa Latiorroko jaiekin batera ospatzen denez, amaiera 13:00etan izango da Latiorroko Kamaraka kalean. Bertan haurrentzako puzgarri eta jolasask izango dira eta baita martxan parte hartu dutenentzako bizikleta baten zozketa ere.