Ibone Sanchez laudioarrak goi mailako bi triatloitan parte hartu zuen asteburuan Banyolesen. Lehenbizi irailaren 3an, ostirala, Europako taldekako triatloi txapelketan hartu zuen parte Diablillos de Rivas taldearekin. Gainera, Espainiako olinpiar modalitateko txapelketan ere izan zen.
Europako taldekako txapelketan, 10.
Ostiralean Europako Kluben arteko triatloi txapelketan hartu zuen parte Ibonek. Bertan herrialde ezberdinetako hamazortzi taldek izan ziren, goi mailako triatloilarien parte hartzearekin.
Lan ona egin ostean, Iboneren taldeak, Diablillos de Rivas, hamargarren postuan sailkatzea lortu zuen, guztira, 01:28:03ko denbora eginez. Probaren irabazlea Frantziako Poissy Triathlon taldea izan zen Italiako Triathlon Duathlon Rimini taldeari minutu bat baino gehiagoko aldea atera eta gero.
Espainiako txapelketan, 7.
Larunbatean Espainiako olinpiar modalitateko txapelketa zuen aurretik laudioarrak. Parte hartzaileen artean Rioko joko olinpikoetan aritu den Miriam Casillas zegoen, espainiar estatuko goi mailako triatloilariekin batera.
Hasieratik seiko taldea sortu zen lasterketa buruan, atzetik zihoan taldeari gero eta alde handiagoa ateratzen, tartean Ibone.
Azkenean aurrekoek garaipena euren artean jokatu zuten, eta Miram Casilla gailendu zen. Atzetik, Ibone Sanchezek buelta eman eta 9. postua lortu zuen sailkapen orokorrean eta 7. postua Espainiako Txapelketan, guztira 02:04:40ko denbora eginda. Zazpigarren postuarekin, hurrengo urteko Espainiako txapelketarako sailkatuta dago kirolari laudioarra.