Jaime Castrillok irabazi zuen pasa den larunbatean jokatutako XXVII. Laudio Sari Nagusia – Pablo Bilbao memoriala txirrindularitza proba. Lizarte taldeko txirrindulariak Aitor Rey laudioarrarengandik ihes egin zuen azken kilometroetan, azkenean bakarrik helmugaratuz.
Lasterketan zehar beroa izan zen protagonista, tenperatura altuaren ondorioz txirrindulari asko erretiratu baitziren. Hasieran osatu zen ihesaldiak helmugaraino heltzea lortu zuen, ibilbide menditsuari aurre eginez.
Istripu baten ondorioz, lasterketa neutralizatu behar izan zuten antolatzaileek, anbulantziak eta medikuak txirrindulari zauritua lagundu behar izan baitzuten. Lasterketa neutralizatua Laudiora heltzean, anbulantzia eta medikua itxaron eta lasterketa aurretik zegoen egoeran abiatu zen, ihesaldiak zeukan tartea errespetatuz.
Ibilbidearen azken gainan, Malkuartun, Jaime Castrillok erasoa jo zuen Aitor Reyrekin aurrera joz eta Laudioko ingurabidean azken erasoa jo zuen Lizarteko txirrindulariak, laudioarrarengandik ihes eginik eta helmugara bakarrik iritsiz.
Jaime Castrilloren atzetik Aitor Rey helmugaratu zen minutu erdira eta haren atzetik Antonio Angulok gainerako iheslarien arteko sprinta irabazi zuen hirugarren sailkatuz.
Sailkapena:
1. Jaime Castrillo (Lizarte) 3:09:40
2. Aitor Rey (Infisport) 34"-ra
3. Antonio Angulo (Gomur-Liébana 2017) 36"-ra
4. Jon Irisarri (Caja Rural - Seguros RGA) d.b.
5. Julián Barrientos (Infisport) d.b.
6. Alexander Unzueta (Ampo) d.b.
7. Asier Unanue (Ampo) 1:52-ra
8. Diego López (Fundación Euskadi - EDP) d.b.
9. Bernat Font (Infisport) d.b
10. Iñigo Ojeda (Telco'm Gimex) d.b.