Laudioko Udalak berritze lanak abiatuko ditu uda partean Latiorro eskolan, Aretako Fabian Legorburu eskolan eta Helduen Hezkuntza Iraunkorrerako Zentroan. 160.000 euroko diru-saila erabiliko du horretarako.
Lanen balioaren %60, 96.000 euro, eskuratu dute Eusko Jaurlaritzaren hezkuntza-administrazioaren mendeko ikastetxeak dauden udal jabetzako eraikinetan obrak egiteko gastuak finantzatzeko deialdian. Gainerakoa, 64.000 euro, udal aurrekontutik bideratuko da.
HHIZ
Helduen Hezkuntza Iraunkerrako Zentroan kanpoaldeko arotzeria aldatuko du Gasteizeko Martinez de la Hidalda arotzeria metaliko enpresak. Lanak uztaila erdialdean hasi ziren eta 63.000 euroko aurrekontua dute.
Latiorro Eskola
Latiorro Eskolako suteen aurkako instalazioa egokitu eta handituko du Asuako Sercoin empresak 21.000 euroko aurrekontua baliatuta.
Horrez gain, Lehen Hezkuntzako ikasleentzako jolastoki estalia sortzeko proiektuaren lehen fasea gauzatuko da. 44.620 euro erabiliko ditu Basauriko Ingura 2014 enpresak hobetzeko erabiltzen den Haur Hezkuntzako oinplano bakarreko eraikineko estaldura.
Aretako eskola
Aretako Fabian Legorburu eskolan azkenik, 31.000 euro erabiliko dira eraikin zaharreko berogailu zirkuituak estaltzeko. Lanak egiteko gutxi barru esleitzea espero du Udalak.