2.000 euro bideratuko ditu Laudioko Udalak herriko merkataritza guneetan euskarazko errotulazioa jartzeko diru-laguntzak ematera. Herriko edozein merkatarik eskatu dezake laguntza hori, honako errotulazioetako bat egiteko: bere establezimendua identifikatzeko kanpoko errotulu orokor nagusia, toldo-errotulazioa edota ibilgailu industrialen errotulazioa.
% 70ko finantziazioa euskara hutsezkoei
Udalak % 70an finantzatuko du errotulazioa, baldin eta euskara hutsez egiten bada. Euskaraz eta beste hizkuntza batean egiten bada, berriz, % 35an finantzatuko da, betiere euskarak errotulazioan lehentasunezko toki bat izaten badu. Eskaera bakoitza 350 eurorekin finantzatuko da gehien jota.
Ikusi hemen laguntza hori eskatzeko baldintza eta xehetasun guztiak.
Urriaren 28ra arte dago eskaera egiteko epea. Formulario bat bete behar da horretarako (Udalaren web-gunean topatu daitekeena) eta udalean tramitatu.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
