“Berdintasun kit”-ak banatuko ditu Laudioko Udalak San Roke Jaietan. Odoloste Egunean banatuko dituzte, 600 guztira.
Bi kit mota banatuko dira, emakumezkoentzat bata eta gizonezkoentzat bestea. Kit-ek hainbat gauza izango dituzte. Alde batetik, txartel bat izango dute, zeinetan eraso sexisten aurrean erabiltzeko “autodefentsa feministako hainbat esaldi” topatu ahalko diren, telefono kontaktuen zerrendarekin batera. Jaietan banatu ohi den txapa morea ere egongo da kit-ean, eta baita txilibitu bat ere (emakumezkoen kasuan).
Bi kale-hezitzaile
Udaletik jakinarazi dute bi kale-hezitzaile arituko direla Odoloste Eguneko gauean kit horiek banatzen. “Gazteengana jai-giroan nola hurbildu lantzen urteak daramatzaten bi hezitzaile izango dira”, azaldu du Amets Meaza zinegotziak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
