Eusko Legebiltzarreko Hauteskundeetan bozkatuko dira Laudioko Jaien datak. Hala jakinarazi dute udaletik. Legebiltzarrerako ordezkariak hautatzeaz gain, Laudioko Jaientzako data egokienak zeintzuk diren ebatzi ahalko dute herritarrek, hauteskunde eskoletan horretarako espresuki jarriko diren boto-txartel eta hautestontzien bidez.
Hiru aukeren artean bozkatu ahalko da. Lehena: Jaiak Erroke Deunaren aurreko ostiralean hasi eta hurrengo asteko igandean bukatzea. Bigarrena: Jaiak uztailean ospatzea. Hirugarrena: abuztuaren 15ean hasi eta zazpi eta hamar egunean artean luzatzea.
[video:https://vimeo.com/143742840]
Jaien daten inguruan eztabaidatzeko sortutako lan-taldeak egin ditu hiru proposamen horiek. Ikasturtean zehar hainbat bilera ireki egin ditu lan-talde horrek, eta herriko eragile, elkarte, merkatari zein norbanako ugarik hartu dute parte eztabaida-saioetan.
Lan-taldeak hainbat irizpide hartu zituen kontuan hiru proposamenak garatzeko. Lehen mailako irizpide moduan zehaztu zituen etenik gabeko jaiak izatea eta gutxienez asteburu bat eta ahal izanez gero bitan luzatzea. Bigarren mailako irizpideetan berriz, honakoak lehenetsi zituzten: jaiak abuztutik kanpo egitea, San Rokeren inguruan mantentzea eta Bilboko jaien egutegiarekin bat ez etortzea.
Udazkenean egingo dira hauteskundeak, Eusko Legebiltzarretik oraindik data finkorik zehaztu ez duten arren.
[video:https://vimeo.com/145610240]