Lankaietako Lagunak txistulari taldea izango da Laudioko Jaietako pregoilaria. Hala jakinarazi dute Laudioko Udaletik.
Ibilbide luzeko taldea da Lankaietako Lagunak: 1976 urtean sortu zen, Gotzon Palacios txistulariaren gidaritzapean. Urte hartako Gardeako Jaietan Ascenen tabernan bildu ziren zenbait lagunek sortu zuten taldearen izena eta irudia.
Musikari talde horrek emanaldi ugari eskaintzen ditu urtean zehar, eta Laudioko Jaietan ere aritzen dira, kalejiran.
Lankaietako Lagunen historiari buruz gehiago jakiteko irakurri hemen klikatuta taldearen 35. urteurrena dela eta prestatutako artikulua.
[video:https://vimeo.com/173761568]
Galtzagorri txupinero
Galtzagorri Kultur Taldea izango da abuztuaren 15ean udaletxeko balkoian jaien hasiera suziria pizteaz arduratuko dena. Ibilbide luzeko taldea da baita, aurten 30 urte betetzen baititu. Azpimarratzekoa da Galtzagorriko kideek Laudioko Jaietan egiten duten lana: eurak arduratzen baitira buruhandien kalejirak antolatzeaz.
[video:https://vimeo.com/135845078]