Aldundiak Udalaren helegitea onartu du eta 300.000 euro inbertituko ditu zaharren egoitza ohian

Erredakzioa 2016ko uztailaren 5a
Deskargatu Info Ahotsak :

Arabako Foru Aldundiak onartu du Laudioko Udalak jarritako helegitea eta, ondorioz, 300.000 euroko diru-laguntza emango dio 2016-2017rako Obra eta Zerbitzuen Foru Planaren barruan.

Kopuru horrekin San Roke zaharren egoitza ohian hainbat obra egingo dute erabilera kulturala izan dezan. Momentuz, funtsezkoa prestatuko dute -irisgarritasuna bermatu, adibidez- eta partaidetzaren bitartez zehaztuko dituzte erabilera motak.

Arabako Foru Aldundiak onartu du Laudioko Udalak jarritako helegitea eta, ondorioz, 300.000 euroko diru-laguntza emango dio 2016-2017rako Obra eta Zerbitzuen Foru Planaren barruan.

Kopuru horrekin San Roke zaharren egoitza ohian hainbat obra egingo dute erabilera kulturala izan dezan. Momentuz, funtsezkoa prestatuko dute -irisgarritasuna bermatu, adibidez- eta partaidetzaren bitartez zehaztuko dituzte erabilera motak.

Helegitearen ibilbidea

Foru Planaren lehenengo ebazpenean Aldundiak erabaki zuen Laudioko Udalaren eskaerak ez zituela betetzen arauak. Horregatik, tokiko erakundeak helegitea prestatu zuen eta orain onartu berri dute.

Laudioko San Roke egoitza zaharra berritzeko proiekturako ez ezik, foru erakundeak onartu ditu Gesaltza Añanako igerilekuen barrutian dauden instalazio osagarrien eta sarbideen eraberritzerako helegitea eta Urkabustaizko Ostuño parkeko igerilekuak eraikitzeko bigarren faserako eta zerbitzuetarako eraikina eraberritzeko helegitea.



Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide