Hockey Egunako V. edizioa ospatuko da ekainaren 4an Gardeako Udal Hockey Zelaian.
Beste urteetan bezala, Arabako Hockey Federazioak, kluben eta kirolarien laguntzarekin, antolatutako jaian familia osoarentzako programazioa prestatu da. Goizeko 10:00etatik aurrera arratsaldeko 18:00ak arte parte-hartzaile guztientzako ekintzak egongo dira. Maila eta adin ezberdinentzako hockey partiduez gain, programazioak umeentzako nahiz helduentzako jolasak, herri bazkaria, zozketak, sari banaketak, eta beste ekintza batzuk ere izango ditu.
Federazioaren Zuzendaritza Batzordeak esan zuenez, lehenengo edizioan, 2012. urtean, Gardeako Udal Hockey Zelaian 350 lagun baino gehiago izatea sorpresa ederra izan zen. Baina ez zuten espero horrelako arrakasta mantentzea beste urteetan, 300 lagun baino gehiago biltzen. Horregatik, lau urte pasa ondoren, jardunaldi eder hau finkatu egin da Arabako Hockey Federazioko festa herrikoi garrantzitsuena bezala.
Informazioa eskatzeko federazioko facebook-eko orrian sartu, www.facebook.com/ArabaHockey, e-mail bat bidali hockeyeguna@arabahockey.org posta elektronikora, edo telefonoz deitu ahal da 657778239 telefono zenbakira.
Izena emateko azken eguna maiatzaren 30 izaten den arren, ekainaren 4an izena emateko aukera egongo da, hockey egunean bertan, baina antolakuntzak ezin du bermatu han agertzen diren guztientzako lekua egongo den.