Laudio Clubeko gazteen taldeak sufrimendu askoz irabazi zuen denboraldiko ligaren azken partidua baina garaipenarekin bigarren postua zihurtatu eta igoera fasea jokatuko du larunbat honetan.
Liga amaitzeko bi jardunaldiren faltan lehen postua galdu zuten Olarizun berdindu ostean eta nahiz eta azken partiduan irabazi, Ariznabarak irabazi du aurtengo gazteen liga eta zuzeneko igoera lortu du.
Partidu zaila, ezer jokatzen ez zuen talde baten aurka
Ellakurin jokatu zuen azken partida Laudioko taldeak, sailkapenean 12. Postuan zegoen taldearen aurka, Lakua Arriaga alegia. Partida ondo hasi zen Aitzolen golari esker baina Gasteizko taldeak berehala erantzun zuen gol batekin. Laudiotarrak lanean jarraitu zuten eta atsedenaldian Joseba Aguirrek 2 eta 1eko emaitzarekin bidali zituen bi taldeak aldageletara.
Bigarren zatia hasi eta berehala Lakuak berriro ere berdinketa lortu zuen. Bazirudien presak eta estutasunak jokalariei eragingo ziela berdinketarekin baina aurkariak emandako aukerak aprobetxatuz bi gol sartu zituen etxeko taldeak, Andoni Menoyok eta Oihanek lortuak. Amaieran gasteiztarrek diferentzia murriztu zuten beste gol bati esker baina Laudioko gazteek garaipena eta sailkapenenko bigarren postua zihurtatu zuten.
Igoera fasea, maiatzaren 28an
Asteburu honetan jokatuko du Laudio Clubeko gazte taldeak igoera fasea Ellakurin, aurten Arabako taldearen etxean jokatzen baita. Aurrean Bizkaiako Sestao River taldea eta Gipuzkoako S.A.N.S.E. taldea izango ditu, haien lurraldetako bigarren sailkatuak.
Txapelketa hiru talden artean partidak jokatuko dituzte eta txapeldunak Euskal Ligan jokatuko du hurrengo urtean. Partida bakoitzak 45 minutu iraungo ditu eta ondoren deskantsatzeko aukera izango dute
Lehen partida arratsaldeko 16:30tan izango da Laudio eta Sestao River taldeen artean. Ondoren galtzaileak S.A.N.S.E. taldearen aurka jokatuko du 17:30tan eta azkenik lehen partidako irabazleak S.A.N.S.E.-ren aurka jokatuko du 18:30tan.