Laudioko Galiziar Zentroak maiatzaren 7tik 15era Galiziar Letren eguna ospatuko du herrian. Real Academia Galegak antolatzen duen jai horren bitartez Galiziako literatura sortzaileak eta hizkuntzaren erabiltzaileak saritzen dituzte.
Hala, aurten Manuel María poeta omenduko dute, izan ere, bera izan zen Gerra Zibilaren ostean Galiziako olerkari handienetakoa.
Ohiko egitarauaz gain, elkarteak ekintza berezi batzuk prestatu ditu aurten, María pregoilaria izan baitzen Laudion lehenengoz Euskadiko Galizia Eguna ospatu zenean.
Manuel Maríaren obraren inguruko hitzaldia egingo dute larunbat honetan, hilak 7, eta poetaren olerkietan oinarritutako Os Carunchos taldearen emanaldi berezia eskainiko dute maiatzaren 14an. Halaber, Laudioko Mariskoaren lehenengo azoka egingo dute.
Maiatzak 7, larunbata
10:30 Ume eta gazteentzako marrazketa lehiaketa Galiziar Zentroan
19:00 Xosé Estévezen hitzaldia Manuel Maríaren inguruan Galiziar Zentroan
Maiatzak 12, osteguna
19:00 Laudioko I. Marisko Azokaren inaugurazioa Aldai plazan
Maiatzak 13, ostirala
21:00 Son Mesturado cantareira kontzertua
Maiatzak 14, larunbata
13:00 Sesións Galegasen kontzertua.
19:00 Os Carunchosen kontzertua.
21:00 Amigos del Swingen berbena.
Maiatzak 15, igandea
12:30 Espalladoiro galiziar folklore taldearen emanaldia
13:00 Itxarkundia taldearen euskal dantzen emanaldia.