Esti Urresola zinemagile laudioarrak “Voces de papel” dokumentala egiten ari da EITBrentzat. Film luzea da eta Jose Antonio Agirre Lehendakariaren inguruko proiektu zabal baten harira sortu da.
Berez, aurten 80 urte beteko direnez lehenengo Eusko Jaurlaritza sortu zenetik, Jose Antonio Agirreri buruzko 6 film prestatzen ari dira; 5 dokumental eta pelikula bat.
Dokumental horietako bat da “Voces de papel” eta Esti Urresola bukatzen ari da egun -edizio lanetan dihardu-.
Proiektuak landu du Eresoinkaren ibilbidea; abesbatza horren bitartez Agirrek sustatu nahi zuen euskal kulturaren jakintza eta zabalkundea, faxismoaren kontrako ekimen gisa bultzatu baitzuen.
Pablo Ibarluzea ere proiektuan
Filmak oroimena, kultura, identitatea eta mugimenduaren inguruko hausnarketa da, besteak beste. Horregatik, pertsona ugariren lekukotzak eta iritziak jaso ditu zuzendari laudioarrak: abesbatzaren kide ohi batenak, euskal artistenaak, ikerlari batenak... eta horien artean Pablo Ibarluzea ere badago, Mugimenduaren Antzerkian aditua baita.
Hainbat lekura jo du Esti Urresolak eta Gasteizen, Parisen, Iparralden, Donostian edo Bilbon grabatu ditu irudiak.