Hurrengo hauteskundeetan administrazioaren ordezkari izateko lan poltsa irekiko dute Laudion. Lan poltsa osatzeko prozesua aurreko hauteskundeetan erabili dena izango da.
Kontratatutako pertsonak ez du udalarekin inongo lan harremana ekartzen, aukeratua izateak dagokion administrazioak lan horretarako ezartzen duen dieta kobratzeko eskubidea suposatuko du bakarrik.
Lan poltsan parte hartzeko baldintzak
Lan poltsan parte hartzeko bete beharrak lau dira:
- Lan poltsa eratzen den momentuan langabea izatea egiaztatzea
- Laudion erroldatua egotea
- Batxilergo edo LH2 mailako titulazioa izatea
- C1 euskara maila izatea
Maiatzaren 18an argitaratuko da aukeratutakoen zerrenda
Izena emateko epea maiatzaren 2tik 16ra luzatuko da. Udaletxean, goizeko ordutegian, 9:00tik 13:00ra, hurrengo dokumentazioa erakutsi beharko da:
- Eskaera idatzia
- NAN-a, pasaportea edo dokumentazio baliokidea
- Lan poltsan izena emateko baldintzak betetzeko akreditazioa
- Aurreko hauteskunde prozesuren batean administrazioaren ordezkari izendatua izatearen akreditazioa (hala izan bada)
Pertsonen hautaketa egingo da zozketa publikoaren bidez maiatzaren 18an 12:00etan, Laudioko Udaletxean. Lehentasuna izango dute aurretik hauteskunde prozesuren batean parte hartu duten pertsonek.
Hauteskunde egunean administrazioaren ordezkariaren zereginak hurregoak dira: datuak igortzeko gunea informatzea, bai partehartze datuak zein zenbaketa datuak emanda, hauteskunde mahaietan laguntzea eta hauteskunde materiala eskuragai egoteaz arduratzea.