2014ko martxoaren 3an FMIren aurkako manifestazioan parte hartzeagatik atxilotu zuten Iñaki Montes JEZ enpresako langile batzordeko kidea Bilbon, hain zuzen ere. Epaitegiak erabaki du 5 urteko kartzela zigorra eskaera egitea instrukzio fasea bukatu ostean.
Zehazki, fiskalak 2 urte eskatuko dizkio desordenak sortzeagatik eta beste 3 agintaritzaren aurkako atentatua leporatuta. Gainera, 12 hilabeteko isuna ezarri nahi diote eta 214.500 euroko kalte ordainak.
Beharginak errugabea dela aldarrikatu du
Langileak azaldu du berak manifestazioan parte hartu zuela Troikaren politiken aurka gehiengo sindikalak deitu baitzuen. Hala ere, azpimarratu du akusazio guztiak faltsuak direla. Beharginak adierazi du zenbait bideo grabatu zutela kazetariek eta horietan bistako dela berak ez zuela legez kanpokorik ezer egin.
(Hurrengo bideoan 1:49 minutuan ikus daiteke langilearen atxiloketa)
[video:https://www.youtube.com/watch?v=GxXTiGef9hc width:650 height:350]
Bestalde, nabarmendu du manifestazioaren istiluen hasieran atxilotu zutela eta ez duela ulertzen zergatik egotzi nahi dizkioten gero apurtu ziren gauzen ardura, hau da, 214.500 euroko kalte ordainak.