Ohitura jarraiki, Laudion Dolumin Barikua ospatuko dute Aste Santuaren aurreko ostiralean. Aurten, jaiaren 126. edizioan, martxoaren 18an izango da hitzordua. 1890 gauzatu zuten azoka lehenengo aldiz eta Urquijo Markesak bultzatu zuen.
Aristokrataren ekimena, ordea, herrikoia bilakatu da denboraren poderioz. Herriko hainbat elkartek egun horretako ospakizun tradizionaletara gehitu dituzte haien proposamenak eta azokaz gainera, programa zabala eta anitza izango da egun osoan disfrutatzeko.
08:00 – 17:00 Dolumin Barikuko azoka
LHUIko aparkalekua, Aldai plaza eta Herriko plaza izango dira azoka eremuak eta bertan abere eta baserritarren produktuez gain, nekazaritza makinaria ere salgai egongo da. Festa eremua girotzeko musika egongo da egun osoan. Aberedunak elkartearen eskutik.
10:30 Dolumin Barikuko Bolo Sari Nagusia
Goizeko ekitaldiari ekingo diote San Roke bolatokian.
12:30 Dolumin Barikuko VI. Aizkolari Txapelketa
Lehiaketa Aldai plazako karpan gauzatuko da. Harri-jasotzaile bat ere izango da.
15:00 Herri bazkaria Herriko plazan
III. Patxaran Festa. Tiketak 5 euroren truke eskuratu daitezke Keskan. Gaztetxeak antolatua.
17:30 Dolumin Barikuko Bolo Sari Nagusia
Arratsaldeko ekitaldiari ekingo diote San Roke bolatokian.
18:00 Euskal mitologiako buruhandien aurkezpena
Basalarrina elkarteak buruhandi berrien aurkezpena egingo du Herriko plazan. Pertsonaien artean Mari, Tartalo, Basajaun, Akerbeltz, Sorgin eta Mikolasa daude.
19:00 Dolumin Barikuko XLVI. Idi proba Txapelketa
San Roke probalekuan gauzatuko da txapelketa, Lauzaldiren eskutik. Martxoaren 20an eta 22an ere ospatuko da, 19:00etan eta 21:00etan hurrenez hurren.
19:00 Gure Esku Dagoren ekitaldia
“Argitu erabakia. Ilumina la decisión” ekitaldia izango da Herriko plazan.
20:00 Nafarroa Kantu Taldearekin kalejira
Kalejira Herriko plazatik abiatuko da.
20:00 Santa Lucia koralaren kontzertua
San Pedro elizan izango da. Bertan, obra sakro garaikideaz gain Hego Ameriketako “Alma Llanera” bezalako abestiak kantatuko dituzte, baita Itoitz taldearen “Lau teilatu” edo Kalakan taldearen “Sagarra jo” ere.
21:00 Bertsolariak Gaztetxean
III. Patxaran Festa. Maddi Gallastegi eta Ander Solozabal. Ondoren lehenengo txotx-a eta talo jana egingo dute borondatearen truke.
21:00 Kontzertuak Orbeko Etxean
The Capaces, Fly Shit eta Rednik. Sarrera 5€.
22:00 Kontzertuak Gaztetxean
III. Patxaran Festa. Uluka, Atxurre eta Akerbeltz