San Roke Jaien antolatzaileek bilera deitu dute gaur 19:00etan Kultur Etxean, Arraño gelan. Batzarraren sustatzaileek nabarmendu dute eragile zein norbanakoei egongo dela irekirik, asmoa jaiak berpiztea baita; eduki zein antolakuntza ereduaren aldetik.
Helburu hori betetzeko, ezinbestekotzat jo dute herritarren partaidetza.
Batzorde paritarioa
Jaien ereduari dagokionez, pasa den astetik Batzorde Paritarioaren inguruko eztabaida berpiztu dute Omnia zein EH Bildu alderdiek, Omniak txosten bat argitaratu baitu bere proposamenekin. Nahiz eta biek ezadostasunak daudela adierazi duten, iritzi berekoak dira puntu batean: Batzorde Paritarioaren erabakiek lotesle izan beharko lukete.
Horretarako, oztopoa da legearen debekua. Aitzitik, EH Bilduk azaldu du konpromiso eta borondate politikoa egonez gero, batzordearen erabakiak gauzatu daitezkeela. Zentzu horretan, EH Bilduk eta Omniak gehiengo zabala izango lukete.
Daten aldaketarako galdeketa
Horrez gain, Udal Gobernu taldeak iragarri du udazkenean herri galdeketa egiteko asmoa daukala sanrokeen daten inguruan.