Jaien datak erabakitzeko herri galdeketa egin nahi du udalak udazkenean

Erredakzioa 2016ko otsailaren 19a

Laudioko udal gobernu taldeak iragarri du herri galdeketa egiteko asmoa daukatela San Roke jaien datak hautatzeko. EH Bilduk proposamena luzatu die gainerako taldeei eta guztiek babesa eman diote. Asteartean aurkeztuko diete egitasmoa sanrokeak antolatzen dituzten taldeei.

Bi galdera

Printzipioz, galdeketak 2 itaun izango lituzke; lehenengoak galdegingo luke egungo jaien datak aldatu behar diren; bigarrenak, ordea, data ezberdinen artean aukeratzeko parada eskainiko luke. Erabakitzeke dago zenbat aukera emango diren azken galdera horretan; 3 data edo 6, alegia.

Udalak adierazi du oraindik lan juridikoa egin behar dutela eta, horrez gain, adostasun zabala ezinbestekoa izango dela, talde politikoekin zein kultur eragileekin. Udazkenean gauzatu nahiko lukete ekimena.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide