Gazte Danbadaren egitaraua aurreratu dute. Martxoaren 25etik 28ra bitartean eduki politikoa eta aisialdia uztartuta eskaintza zabala egongo da Laudion. Hitzaldi, tailer eta kultura eskaintza luze batek hartuko du Laudioko kaleak.
Hitzaldietan, hamaika kontu jorratuko dituzte: gazte boterea, burujabetza, independentzia, internazionalismoa, euskalgintza, amnistia, Ipar Euskal Herriko errealitatea eta abar. Tailerretako eskaintza ere oparoa izango da, eta gai andana jorra-tuko dituzte: antzerkia, rapa, serigrafia, samurtasuna, sendabelar tailerra.
Eskaintza kulturalak Laudioko kale eta txokoak beteko ditu bertso eta poesia saioekin, antzerkiekin, musika emanaldiekin, elektrotxarangekin eta beste hamaika “performancerekin”. Garagardo ekologikoen zein nekazari eta artisau gazteen azokek ere herriko kaleak okupatuko dituzte.
Kontzertuak: Esne Beltza, Gatibu, eta Ken Zazpi, besteak beste
Iluntzean eskaintza musikala-ren unea izango da. Martxoaren 25ean, ostirala, Gatibu, Esne Bel-tza, Afu, Norte Apache eta McO-nak taldeak arituko dira oholtzan. Larunbatean, Blaka, Sorkun, Non Servium, Arkada Social eta Juan-txo Skalariaken txanda izango da. Azkenik, igandean, Ken Zazpi, Bela-ko, Gose, Pixontxis, Las Tea Party eta Xutik taldeek joko dute.
Talde horiekin guztiekin batera “Oholtza gainean bakerik ez” lehiaketako 15 musika talde irabazleak jardungo dira kontzertuetarako prestatuko duten karpa erraldoian.Nazioarteko ordezkaritza ere egongo da; Hego Afrikatik, Finlan-diatik, Andaluziatik zein Brasiletik.