RUBEN BENGOA (Laudio, 1970) Don Nadies musika taldeko kidea da. Urtarrilaren 22an Drumgorri Aretoan arituko da Txapelpunkekin batera.
Urtarrilaren 22an Txapelpunkekin joko du Don Nadies taldeak? Nortzuk zarete? Kontzertu gehiago eman dituzue?
Laudioko Gaztetxean eta Gasteizkoan jo dugu aurretik. 4 edo 5 lekutan egon gara: Ondarrun, Zaldibarren, Elorrion eta Alegian.
Egia esanda, askotan ezezkoa eman behar dugu gure lanak direla medio.
Herri ezberdinetakoak zaretela ikusita, nola sortu zenuten taldea?
Duela urte asko ezagutzen dugu elkar. Taldeko hiru gainerakoak Gasteizen bizi dira nahiz eta hainbat herrikoak izan.
Lokal bat alokatu genuen noizbehinka jotzeko eta ni taldean sartu den azkenengo kidea naiz. Abeslari itsusia nahi zuten eta niri proposatu zidaten.
Zer musika mota egiten duzue, zeintzuk dira zuen erreferenteak?
Guk hardcore egiten dugu. Suicidal Tendencies, Sick Of It All, Poison Idea, Ratos de Porao, Spermbirds, Seven Second... dira gure erreferentziak.
Beste talde batzuetan jo duzue Don Nadies sortu baino lehen?
Ni naiz aurretik talde batean aritu ez den kide bakarra. Aitor bateria-jotzaileak Vitu´s Dancen jo zuen, Alberto gitarra-jotzaileak Murder Pink taldean eta Atrofi baxu-jotzaileak Etsaiak taldean jo zuen eta orain Txapelpunken ere badago.
Zein da zuen asmoa, zerbait grabatu duzue edo grabatzeko asmoa daukazue?
Ez dugu ezer grabatu eta ez dugu asmorik, momentuz. Aurrerago, denbora izanez gero, pentsatuko dugu.
Orain, entzun nahi digutenek ikustera joan beharko gaituzte. Hori da modu hoberena talde bat entzuteko, eta gainera, etxetik ateratzeko aukera izango dute.
Jendea animatuko duzu zuen kontzertua ikus dezaten?
Bai, jakina, ondo pasa nahi duten eta hardcore gogoko duten guztiei animatzen diegu gu ikustera etor daitezen.