Astebete edo bi aste barru emango diete hasiera Laudioko hiltegia eraberritzeko lanei. Lanen bidez fatxaden eta hegalen eraberritze partziala gauzatuko dute.
Obrak 33.030,05 euroko balioa izango du eta gauzatzea sei eta zortzi aste artean luzatuko da, udal gobernu taldearen arabera.
Astebete edo bi aste barru emango diete hasiera Laudioko hiltegia eraberritzeko lanei. Lanen bidez fatxaden eta hegalen eraberritze partziala gauzatuko dute.
Obrak 33.030,05 euroko balioa izango du eta gauzatzea sei eta zortzi aste artean luzatuko da, udal gobernu taldearen arabera.
Fatxadei dagokionez, agertzen dituzten arrakalak estaliko dituzte. Arrakalek, fatxaden egitura eta egonkortasuna bera arriskuan jartzen ez badute ere, eraikinaren alde estetikoa kaltetzen dute. Hegalen kasuan, aldiz, arteken eta amildutako zatien ondorioz egoera okerragoan daude, eta berrosatzea ezinbestekoa da.
Lanek gainazalak prest utziko dituzte konponketen ondoren eraikina margotu ahal izateko. Horiez gain, estalkiko urak jasotzeko erretenak eta lurrera bideratzeko zorrotenak aldatuko dituzte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
