Lamuzako Guraso Elkarteak familiei zuzendutako barreterapia saioa antolatu du azaroaren 21erako. Gainera, eskola ondoan herritarren artean egingo den murala diseinatzeko hainbat hitzordu ere jarri ditu elkarteak.
Herritarren artean egingo den murala diseinatzeko lehenengo hitzordua azaroaren 20an izango da 17:30ean, bigarrena abenduaren 12an 11:30ean eta hirugarrena abenduaren 19an 11:30ean. Guztiak Lamuza ikastetxean egingo dira. Informazio gehiagorako info@muralismopublico.com helbidera idatzi edota 945 041 720 telefonora deitu daiteke.
Bestalde, guraso elkarteak barreterapia tailerra antolatu du azaroaren 21erako. Saioa 16:00etan hasiko da eta familiei zuzendua dago. Izen-emateak hilaren 9tik 20ra egin beharko dira 646 594 456 telefonoan.
Familientzako yoga saioak
Satya Yoga Eskolak bere aldetik, familiei zuzendutako yoga saioa prestatuko du azaroaren 24an. “Batera hazi” titulupean 17.30etatik 18:30era izango da eta parte hartzeko izen-emateak aurrez egin beharko dira eskolan bertan edo 605 533 516 telefonoan.