Azaroan emakumeei zuzendutako eta emakumeen inguruko hainbat jarduera egingo dira. Hala Solastiar emakume taldeak hitzaldiak emango ditu eta berdintasun arloak autodefentsa tailerrak. Gainera, Zinema eta Emakumea zikloa jarraituko du.
Solastiar elkarteak kontsumoaren eta emakumeen osasunaren inguruko hitzaldi eta tailerrak egingo ditu. Atzo “El buen consumo y cómo consumir eficientemente” hitzaldia egin zuen. Hilaren 11n, aldiz, Elízabet Álbarezek kontsumitzerako orduan erabaki egokiak hartzeko gakoak emango ditu, 16:30ean izango da hitzordua Kultur Etxean.
Azaroaren 12an emakumea eta bere osasunaren inguruko tailerra emango dute 18:00etan Kultur Etxean.
Autodefentsa tailerra
Bestalde, Berdintasun arloak bi autodefentsa tailer antolatuko ditu. Lehenengoa aurretik formakuntzaren bat jaso duten emakumeei zuzenduta egongo da eta azaroaren 15ean egingo da. Bigarrena azaroaren 22an emango da eta emakume guztiei irekita dago.
Bi tailerrak 10:00etatik 14:00etara eta 15:30etik 19:30era egingo dira Kultur etxean, eta bakoitzak 3 euro balioko du. Laudion erroldatuak ez dauden emakumeek, aldiz, 5 euro ordaindu beharko dute. Izen emateak 94 403 48 50 telefonoan egin behar dira.
Zinema
Zinea eta Emakumea Zikloaren hurrengo emanaldia azaroaren 5ean izango da, “Timbuktu” filmarekin. Azaroaren 12an “Una segunda madre” emango dute. Biak LHUIn eskainiko dira 18:30ean eta sarrera doakoa izango da.