Herriko 166 merkatari, ostalari eta zerbitzu enpresek euskara erabiltzeko konpromisoa hartu dute eta haiei eskerrak emateko gala antolatu dute 20:00etan Zubiko etxean datorren azaroaren 3rako. Bertan, konpromisoa izenpetuko dute eta euskal abestiekin girotutako luntxa egongo da. Udalaren arabera konpromiso horrek nabarmen eragin du herriko hizkuntza-giroan.
2013ko otsailean Laudio Udalak merkataritza, ostalaritza eta zerbitzu enpresetan euskararen erabilera sustatzeko plana abiatu zuen eta harrezkero hainbat ekimen egin ditu. Horietako bat “Dendaketan” izeneko euskara ikastaroa izan zen, merkatariei zuzendutakoa eta ordutegi aukera zabalagoa eskaintzen zuena.
Promozio kanpainak ere martxan jarri dira “Euskara sari ziurra” bezala. Langileen argazkia eta "Nirekin euskaraz" mezua zuten metakrilatozko bereizgarri batzuen bidez langile euskaldunak identifikazioa errazteko kanpaina ere egin dute.
Plana sinatu zuten establezimendu berriek positiboki baloratu zuten ekimena egindako inkesta batean. Gehienek bezeroengan euskararen erabileran aldaketak eman direla adierazi zuten.