Skolastika Zerbitzu Literarioak “CreActividad” ekimena abiatuko du; adin guztietako emakumeei zuzendutako espazioa. Eskuz egindako sorkuntzen eta literaturaren bitartez, krisi pertsonal edo ekonomikoari aurre egiteko eremua izango da.
Saioak urriaren 30etik abenduaren 4 arte egingo dira ostiraletan 17:00etatik aurrera Kultur Etxean. Bertan, eta panpina bat eginez eta ondoren erabiliz, norberaren baitako kontzeptuez, sentimenduez eta egungo egoera bizitzeko eraz hausnartuko da eta sormena erabiliz, krisiei aurre egiten ikasiko da.
Espazio horrek beraz bakoitzak duen sorkuntzaz baliatuz hausnarketarako bidea ireki nahi du.
Tailerra gazteleraz emango da eta plaza mugatuak ditu. Informazio gehiago eskuratzeko eta izena emateko 94 403 48 50 telefonora deitu behar da, Udaleko Berdintasun Arlora.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
